Ang labing dako natong mahimo isip usa sa Bisaya mao ang pagpaka Bisaya
sa atong kaugalingon bisan pag ang uban dili na. Unya gikan dinhi,
tan-awon na nato ang palibot sa lahi nga pananaw.
Bation nato
ang garbo sa atong kaliwat. Sa atong mga kulturanhong bahandi. Sa atong
pinulongan. Sa atong mga pamatasan. Sa atong mga ritwal. Sa atong mga
gumaran. Sa atong kahindik. Sa atong kamalalangon. Sa atong mga balak.
Sa atong mga sugilanon. Sa atong mga kasugiran. Sa atong mga bayani. Sa
atong mga sayaw, musika, tigmo, dula, ubp. Ug bisan pa gani sa atong
mga bathala. Sa atong .... tanan.... tanan...
Kining tanan
ipasulod nato sa kolektibong konsensiya sa atong mga tulunghaan, sa
atong mga programa sa kagamhanan. Unya human ini, dili lang ta bisaya
sa sinultihan kondili bisaya gyod hasta ang atong kalag.
Medyo ekstremista akong ideyal nga damgo sa katilingbang bisaya, Bay. Nangita ko sa Bisayang kalag.
Bay Tomas
Uploading ....